Archive

Archive for July 26, 2004

DNC – Day 1 Outtakes

July 26, 2004 3 comments

Send Me

CNN.com – Clinton calls on voters to choose Kerry – Jul 26, 2004: “Clinton said when the United States went to war, when it needed to recover from the effects of war, when America needed to learn technology, Kerry always said, ‘send me.'”

இதே போல் கெர்ரி எப்பொழுது எல்லாம் ‘என்னை அனுப்பு’ என்று கூக்கூரலிட்டார் என்று க்ளிண்டன் முழுவதுமாக சொல்லவில்லை. அவற்றில் சில:

* சூப்பர் பௌலில் நடந்த ஜானட் ஜாக்ஸனின் புகழ்பெற்ற ஆடை கிழிப்பு போல், அடுத்த வருடம் ப்ரிட்னி ஸ்பியர்ஸுடன் ஆடிப்பாட ஆள் தேர்ந்தெடுக்கும்போது கெர்ரி சொன்னார்: ‘என்னை அனுப்பு’.

* ஜார்ஜ் மைக்கேல் திருமணம் செய்து கொள்ள ஆள் தேடியபோது கெர்ரி தூது விட்டார்: ‘என்னை அனுப்பு’.

* ஆன்னா நிக்கோல் ஸ்மித் தன்னுடைய செல்வத்துக்கு உரிய கணவனுக்கான சுயம்வரத்திற்கு கெர்ரி விண்ணப்பித்து சொன்னது: ‘என்னை அனுப்பு’.

* டென்னிஸ் மில்லர் தன்னுடைய சிரிப்பு வராத ஜோக்குகளுக்குப் பல்லை காட்ட ஆள் தேடியபோது, ஆபத்பாந்தவன் கெர்ரி: ‘என்னை அனுப்பு’.

* தமிழகப் பட்டிமன்றங்களில் எந்தப் பக்கம் நடுவர் முடிவு என்று பார்ப்போர் அறியாவண்ணம் தீர்ப்பு சொல்ல ‘யுவர் ஹானரை’த் தேடியபோது கெர்ரி ஆஜராகிறார்: ‘என்னை அனுப்பு’.

* டாட்டா, அம்பானிகளுக்குப் ‘மேலும் பணம் சம்பாதிப்பது எப்படி’ என்று வகுப்பறையில் பாடம் நடத்த ஆசிரியர் அம்புடாதபோது, கெர்ரி விண்ணப்பிக்கிறார்: ‘என்னை அனுப்பு’.

* ட்ராக்டர் ஸ்டார்ட் செய்யக் கூடத் தெரியாமல் வாரம் தவறாமல் தன் வயல்வெளிக்கு செல்லும் புஷ்ஷிற்கு, ஆடு மாடு வளர்ப்பு முதல் அறுவடை அறுப்பு வரை கற்றுக் கொடுக்க வாத்தியார் வேலைக்குக் கெர்ரி மனுப் போடுகிறார்: ‘என்னை அனுப்பு’.

ரெண்டு வரி நோட்: ஹில்லாரி க்ளிண்டனின் ஆரவாரமான அறிமுகத்துக்கு நன்றி சொல்லும் விதமாக, பில் க்ளிண்டன் காதோடு ரகசியமாக ‘தாங்க் யூ’ சொல்லிச் சென்றார். நாளைய ஜே லீனோ முதல் ஜான் ஸ்டுவர்ட் இந்தக் காட்சியை(யும்) வைத்துக் கொண்டு படாத பாடு படுத்தப் போகிறார்கள். அவர்களுடைய டிபிகல் பன்ச்கள் இவ்வாறு இருக்கலாம்:

–> மோனிகாவின் காதலர், முன்னாள் ஜனாதிபதி, என் கணவர் — என்று அறிமுகப்படுத்தாதற்கு நன்றி கண்ணே!

–> நான்கு வருடம் கழித்து, அமெரிக்காவின் ‘ஃபர்ஸ்ட் ஜெண்ட்ல்மேன்’ என்று விளிக்கப் படப் போகும் க்ளிண்டன் — என்று கெர்ரியை மிரள வைக்காததற்கு நன்றி கண்ணே!

–> சின்னப் பையன் எட்வர்ட்ஸ் எனக்குக் கீழேயும் துணை ஜனாதிபதிக்குப் போட்டியிடுவார் என்று நம்புகிறேன் — என்று சொல்லாததற்கு நன்றி கண்ணே!

–> என்னை விட அதிகப் புத்தகங்கள் விற்றுப் பென்ஷன் வாங்கும் டைரிப் பதிவாளர் — என்று ‘என் வாழ்க்கை’யைக் குறிப்பிடாததற்கு நன்றி கண்ணே!

-பாஸ்டன் பாலாஜி

Categories: Uncategorized

ரோஹ்தக் ராணி

July 26, 2004 Leave a comment

பிலானியில் இருந்து டில்லிக்கு செல்லும் வழியில் உள்ள முக்கியமான ஊர் ரோஹ்டக். முன்னாள் துணை பிரதம மந்திரி தேவிலாலின் தொகுதி என்ற மட்டிலுமே நாம் அறிந்த ஊர், ‘மர்டர்’ படத்திற்குப் பின் சரித்திர முக்கியத்துவம் வாய்ந்த நகரமாக உருவெடுக்கிறது. தமிழ்நாடு எக்ஸ்பிரஸ் வந்து சேர்ந்த அதிகாலையில், புது டில்லியின் ஐ.எஸ்.பி.டி. காடுகளில் இருந்து கிளம்பிய வண்டியின் முதல் நிறுத்தம் ரோஹ்டக்கில் இருக்கும். காலை சிற்றுண்டி சாப்பிடும்போது பார்த்தேனா… அல்லது ஒட்டக வண்டியில் வயலோரமாக பார்த்தேனா… ‘ஏலே மச்சி மச்சி’ என்று அன்பே சிவம் மாதவன் போல் ‘பாங்’ அடித்த பஸ் மேல் பயணங்களில் பார்த்தேனா… அல்லது ராஜஸ்தான் ரோட்வேஸ் வண்டியின் டயர் பங்க்ச்சராகி, நான்கு மணி நேர வெயிலில் காய்ந்து காத்திருந்த வேளையில், பறந்துபோன ஏஸி காருக்குள் பார்த்தேனா என்று சரியாக நினைவில் இல்லை.

இன்று ‘மர்டர்’இல் நடித்து இந்தியப் புகழ். அடுத்து ஜாக்கி சான் படம் மூலம் உலகப் புகழ். நான் மட்டும் பாரதிராஜா மாதிரி பஸ் ஸ்டாண்டில் பார்த்து ஹீரோயின் அறிமுகம் செய்யும் டைரக்டராய் இருந்த்திருந்தால்… அன்றே… ஹ்ம்ம்ம்…

அரிய வாய்ப்பை தவறவிட்டுவிட்டார்கள்.
(அடுத்து சுராவா, பிவானி, சூரு, ஜுன் ஜுனூ போன்ற நகரங்களில் இருந்து ஹீரோயின் குதித்தால் சுராவா சுந்தரி, பிவானி ஃபிகர், சுரூ சுந்தரி, என்று தலைப்பு வைத்து போஸ்ட் போடலாம்… வெயிட்டீஸ்)

Categories: Uncategorized

எ(ன்)ண்ணச் சிதறல் — ஆனந்த் சங்கரன்

July 26, 2004 1 comment

சூரியன் தனித்திருந்தால் எங்கும் ஒளி
சந்திரன் தனித்திருந்தாலும் ஒளி
இரண்டும் சேர்ந்திருந்தால் அன்று
அமாவாசை


கண்ணொளி தந்தேன் குருடனுக்கு
அவனுக்கு இதுவரை வராத துன்பம் வந்தது
மெட்ராஸ் ஐ


கண்ணால் காண்பதும் பொய்
காதால் கேட்பதும் பொய்
தீர விசாரிப்பதே மெய்
அதான் நாட்டில் இத்தனை விசாரனை கமிஷன்களோ ?

Categories: Uncategorized

To The Moss

July 26, 2004 Leave a comment

How you came to know all that you are sure of
how you discovered the darkness of green
uncurling into the daylight out of
its origins unsounded as your own
how you leraned to fashion shapes of water
into softness itself that stayed in place
and kept some secret of caves wherever
you were but with such welcome seemed to rise
that in time you became as some believe
a model for the cheek and then the breast
the wren felt she knew most of that before
there were breasts or cheeks and she made out of
living bits of you the globe of her nest
as though that was what you had grown there for
WS Merwin

(வெளியான இதழ்: தி நியு யார்க்கர்)

என்னுடைய ‘அ-மொழியாக்கம்’:

ப்ச்ச்…
——–
அடர்பாசியின் கரும் உள்ளிருப்பு
கற்றை வெயிலின் பிறப்பிடம்
சுழிநதிக்கு சலசலத்தல்
கூழாங்கல் பிஞ்சுமனசு
காற்றாடி வானத்து உச்சம்
காலவெள்ளத்தில் நம்பகம்

சிட்டுக்குருவி றெக்கையெழுப்பி
மார்தட்டி கீக்கீ இரையும்

விட்டுசென்ற உலகத்தைக்
கடக்கும் இறகுத்துளிகளை
அலட்டாத கர்வத்தோடு
நிச்சயமாக கொடுப்பது எப்படி
பச்சையாக சொல்லு

-பாஸ்டன் பாலாஜி

Categories: Uncategorized

சன் டிவி: கல்யாண மாலை

July 26, 2004 Leave a comment

Yahoo! Groups – RaayarKaapiKlub: போன வார நிகழ்ச்சி ஒன்றில் பெண்ணின் தாயார் ‘பையன் சூட்டிகையாக இருக்க வேண்டும். சுறுசுறுப்பாக வேலை செய்ய வேண்டும்.” என்றார். தொடர்ந்த அவரின் மகள், ‘எனக்கு வரப் போகிறவர் துறுதுறுவென்று புத்தியாலியாக அமைய ஆசை’ என்று தொடர்ந்தார். கேட்ட எனக்கு ‘பரவாயில்லை… காலம் மாறிப் போச்சு. பெண் வீட்டுவேலை செய்வாளா என்னும் காலம் போய், பையன் பம்பரமாய் செயல்படுவானா என்று கேட்கும் காலம் வந்தது நல்லதுக்கே!’ என்று நினைத்தேன்.

இன்னொரு குடும்பத்தில், ‘எங்களுக்கு யாராக இருந்தாலும் ஒகே. நாங்கள் வடமா… பிரஹ்ச்சரணம், வாத்திமா என்றாலும் எங்களுக்குப் பரவாயில்லை’ என்று தன் பரந்த மனப்பானமையை சொன்னார்.

தமிழகத்தில் இல்லாமல், வெளிநாட்டில் உட்கார்ந்து கொண்டு, மக்கள் மாறியிருக்கிறார்களா, காதல் திருமணம் பெருகியிருக்கிறதா, டேட்டிங் கலாசாரம் கோலோச்சுகிறதா, மதப்பிரிவினைகள் நீங்கி விடுமா, சாதி விட்டு சாதி திருமணம் அதிகரிக்கிறதா என்பதை கணக்குப் போட பயனுள்ள நிகழ்ச்சி.

நடுவே வரும் காமெடி சொற்பொழிவு இன்னும் அற்புதம். போன வாரம் வினுச் சக்கரவர்த்தி சினிமா நடிகர்களின் தியாகங்களைப் புட்டுப் புட்டு வைத்தார். ரஜினிக்குப் பின் ராகவேந்திரா பக்தி அதிகமானது ஒத்துக்கொள்ளவேண்டிய விஷயம். எம்ஜிஆருக்கு முன் யாருமே நல்லாட்சி தரவில்லை என்பதும், சினிமாவில் சம்பந்தப்பட்டவர்களே இனி அரசாள்வார்கள் என்ற பிரகடனையும், சிரிப்பை வரவழைத்தது.

இங்குள்ள என்.ஆர்.ஐ.க்களுக்கு திரிசங்கு சொர்க்கம் போன்ற நிலை. அமெரிக்கர்களை டேட்டிங் செய்ய வெள்ளியிரவு, சனியிரவு பார் பாராக ஏறி இறங்கினாலும் க்ளிக் ஆகாது. இந்தியாவில் அரேஞ்ட் மாரேஜ் செய்துகொள்ளவும் மனம் விரும்பாது. கண்டதும் காதலிலும் நம்பிக்கை லேது. நண்பியிடமும் காதலை சொல்வதில் தயக்கம். காதலியிடம் கல்யாணம் செய்து கொள்ள சம்மதம் கேட்பதிலும் தயக்கம்.

ரொம்பக் கஷ்டப்படறாங்க…
-பாஸ்டன் பாலாஜி

Categories: Uncategorized