Archive

Archive for January 11, 2005

அனுதாபங்கள்

January 11, 2005 3 comments

சிந்துவை அதிகம் திரைப்பட நாயகியாக பார்த்ததில்லை. ஆனால், வாரத்திற்கு ஒரு முறையாவது பார்க்கும் ‘மெட்டி ஒலி’யில் மாமியாருக்கு (சாந்தி வில்லியம்ஸ்) அடுத்த உயிர் சித்திரம் இவர்தான். வளைகுடாவில் கணவன். பெட்டி நிறையப் பணம். தொலைபேசியில் குடித்தனம். கண்களில் வாழ்க்கையின் மேல் அலட்சியம் கலந்த வெறுப்பு. முன்னாள் நட்பை படுக்கைக்கு அழைக்கும் துணிச்சல். உண்மை குட்டுப்படும் தருணங்களில் scared to death பயம்.

பெண் ரசிகர்களிடையே அருவருப்பையும் சீரியல் விமர்சகர்களிடையே ஒரு ‘அட’வையும் என்னிடையே ஆச்சரியத்தையும் உண்டாக்கியவர்.

‘இணைந்த கைகள்’ முதல் படம் என்று வாழ்க்கை குறிப்பிடுகிறார்கள். சுனாமிக்காக தெருவில் உண்டியல் குலுக்கியவர் மயங்கி விழுந்து மறைந்திருக்கிறார். முப்பத்திரண்டு வயது. ஒன்பது வயது மகள். குணச்சித்திரம், வில்லி வேடங்கள், அக்கா/அண்ணி என்று நிறையவே நடித்து வந்தவர்.

ஆழ்ந்த வருத்தங்கள்.

செய்தி: Sindhu

Categories: Uncategorized

நன்றிகள்

January 11, 2005 Leave a comment
  • சென்னை ஓபனில் தான் ஜெயித்த ஐம்பத்தி ரெண்டாயிரம் அமெரிக்க டாலரையும் சுனாமி நிதிக்கு வழங்கி விட்டார் கார்லோஸ் மாயா (Carlos Moya).
  • பன்னிரண்டரை கி.மீ. தடகளப் போட்டிகளில் 11,800 டாலர் வென்ற ரஃபேல் பாயரி (Raphael Poiree) மொத்த தொகையையும் சுனாமி நிதிக்கு வழங்குகிறார்.
  • சுனாமிக்காக தன்னுடைய டென்னில் மட்டைகளை லெயிட்டன் ஹீவிட் (Lleyton Hewitt) ஏலம் விடுகிறார். முதல் ஏலத்தில் ஐயாயிரம் டாலருக்கு ராக்கெட்டை ஏலம் எடுத்திருக்கிறார்கள். கூடவே அதற்கு சமமாக இன்னொரு ஐயாயிரம் டாலர் போட்டு தன் கொடை கணக்கை ஆரம்பித்திருக்கிறார்.
  • இங்கிலாந்து கால்பந்தாட்டக் குழுவான மான்செஸ்டர் யுனைடெடின் (Manchester United) வீரர்கள் கையெழுத்திட்ட ஆடை முப்பத்தேழாயிரம் டாலர்கள் ஏலத்திற்கு சென்று, கொடை வந்திருக்கிறது.
  • சுனாமிக்காக ஆடப்பட்ட கிரிக்கெட் ஆட்டத்தின் மூலம் பதினைந்து மில்லியன் டாலர் கிடைத்திருக்கிறது.
  • Categories: Uncategorized

    வடக்கும் தெற்கும்

    January 11, 2005 4 comments

    மிஸ்டர் கழுகு

    Vikatan.com: “விவேக் ஓபராய் சுனாமி மீட்புப் பணியில் இறங்குவதற்கு முன்பு, குளிர்பான கம்பெனி ஒன்று நடிகர் விஜய்யை அணுகியதாம். சுனாமியால் பாதிக்கப்பட்ட ஏதேனும் ஒரு இடத்தை தேர்ந்தெடுத்து குறைந்தபட்சம் இரண்டு வார காலம் தங்கியிருந்து உதவிகள் புரியச் சொன்னதாம். மளமளவென்று வளரும் ‘சச்சின்‘ படத்தை மனதில் கொண்டு இயலாமையை தெரிவித்துவிட்டாராம் விஜய்.”

    “நடிகை சிம்ரனையும் இதே கோரிக்கையுடன் அணுகியதாம் அந்த குளிர்பான கம்பெனி. தான் கர்ப்பமாக இருப்பதை சொல்லி, இணைந்து பணியாற்ற முடியாமைக்கு வருத்தம் தெரிவித்து ஒதுங்கிவிட்டாராம் சிம்ரன்.”


    “தமிழகத்துக்குப் பிரதமர் இரண்டாம் முறையாக வந்தார். இந்த முறை சென்னை விஜயமும் இருந்தது. முதல்வரும் போய்ச் சந்தித்தார். இந்த சந்திப்பின்போது தி.மு.க&வைச் சேர்ந்த மத்திய அமைச்சர்களான டி.ஆர்.பாலு, தயாநிதி மாறன் ஆகியோர் ஆஜர்.ஆனால், காங்கிரஸ் அமைச்சர் கள் யாரும் எட்டிக்கூடப் பார்க்கவில்லை. அதுமட்டுமல்ல… தமிழ்நாட்டில் சேத நிலவரங்கள் பற்றி பிரதமருக்கு முதல்வர் விளக்கிக்கொண்டிருந்தபோது, அருகிலிருந்த டி.ஆர்.பாலு சில பாயிண்ட்களை எடுத்துக் கொடுத்தார்…”

    “ஓ! இதைத்தான் முதல்வர், ‘

    டி.ஆர்.பாலு உதவிகரமாக இருந்தார்

    ‘ என்று தனது அறிக்கையில் சொல்லியிருக்கிறாரா?”

    Categories: Uncategorized