Home > Uncategorized > தந்தையர் தினம்

தந்தையர் தினம்


நேருவின் பிறந்த நாள் குழந்தைகள் தினமாகிப் போனது. ராதாகிருஷ்ணன் ஆசிரியர்களுக்கு அர்ப்பணித்தார். இந்த வருடத்து ‘ஃபாதர்ஸ் டே’-வன்றுதான் கார்ல் மார்க்ஸுக்கு கல்யாணம் ஆகியிருக்கிறது.

அமெரிக்காவில் எல்லாவற்றையும் கொண்டாடுகிறார்கள். அப்பாக்களுக்கும் வருடத்தில் ஒரு நாளைக் கொடுத்து மகிழ்விக்கிறார்கள். ஜூன் 19 ஞாயிறு ‘தந்தையர் தினம்’.

அப்பாவுக்கு பரிசு தருவது முக்கிய நிகழ்வு. உடுக்க ஆடை, புதிய எலெக்ட்ரானிக் பொம்மை, செல்பேசி, கோல்ஃப் உபகரணங்கள் என்று விதவிதமாக கொடுக்கிறார்கள். தொலைபேசி குசலம் விசாரிக்கிறார்கள். ‘பிராணனை வாங்காமல் உன் பாட்டை பார்த்துக் கொண்டாலே போதும்’ என்று எனக்குத் தெரிந்த அப்பாக்கள் சொல்லியிருப்பார்கள்.

பெற்றோராக ஆகும்வரை அப்பாவின் அருமை தெரிவதில்லை. தந்தையாக ஆனாலும், தாயின் அருமை விளங்கும் என்று சொல்வதற்கில்லை.

குழந்தையைப் பர்த்துக் கொள்வது என்பது அறுபத்தி ஆறாவது கலை. (மனைவியை சமாளிப்பது #அறுபத்தி ஐந்து.)

வேளா வேளைக்கு குழந்தைக்கு உணவு தர வேண்டும். ஆனால், சாப்பிட படுத்தும். ஒழுங்காக சாப்பிடா விட்டால் அதற்கு தூக்கம் வராது. சரியாகத் தூங்கா விட்டால், கொஞ்ச நஞ்சம் சாப்பிடதையும் வாந்தி எடுக்கும். ஆடை மாற்ற வேண்டும். வழுக்காமல், கண்ணில் ஜான்ஸன்ஸ் சோப் நுழையாமல் குளிப்பாட்ட வேண்டும். நான் சாப்பிடும்போதுதான் அதற்கு ரெண்டுக்கு வரும். மிளகு ரசத்தின் வாசனையை டயாப்பர் தூக்கியடிக்க, சுத்தம் செய்ய வேண்டும். கெக்க பிக்க என்று ஆடை போட்டு ஆடும் எம்டிவியை நிறுத்தி, கெக்கபிக்க என்று தொப்பையை ஆட்டும் டெலிடபீஸ் முதல் பார்னி வரை பார்க்க வேண்டும். மீண்டும் மீண்டும் மாற்றமில்லாமல் ஓட்டிய ரீலையே சுற்றும் டிவி சீரியல் போல் கைக்குழந்தைகளுக்கு விருப்பமான நிகழ்ச்சிகள் பழைய கஞ்சியையேக் கொடுக்கும்.

குழந்தையை ஒரு நாள் மேய்த்து முடிப்பது பெரிய விஷயம். வீட்டிலிருந்து வேலை பார்ப்பதை விட அலுவலகத்துக்கு சென்றிருப்பதே சொர்க்கம் என்று சொல்லும்.

அதை விட பெரிய விஷயம், மாலையில் வீட்டிற்குள் நுழையும் மனைவியை மேய்ப்பது. ‘என்னடா… வீட்டை ரணகளமாக்கி இருக்கிறாயே’ என்று கலிங்கப் போரில் மனம் வெறுத்த அசோகனாய் நம்மை லுக் விடுவார்கள். அவற்றைத் தவிர்க்க பொம்மைகளை ஒழுங்குபடுத்தி, சாப்பிட மறுத்த மீதிகளை குப்பையில் தள்ளி, பாத்திரங்களை டிஷ் வாஷரில் அடுக்கி, குழந்தைக்குப் புத்தாடை மாற்றி, கொஞ்சமாய் சமையலை துவக்கி, நறுமண மெழுகுவர்த்தியை ஏற்றி, கார் வரும் சத்தத்தைக் கேட்டு கதவைத் திறந்து முத்தம் கொடுத்து வரவேற்றால் விழியோரப் புன்னகை கிடைக்கும்.

தந்தையர் தினத்துக்குப் பரிசுகளை விட மதியத் தூக்கம் வரப்பிரசாதம். இரவு முழுக்க நிம்மதியான உறக்கம் கிடைத்தாலும் ஒகேதான்.

புதிய அப்பாக்களுக்கும் தினசரி வேலைக்குப் போய் தப்பித்துக் கொள்ளும் தந்தையர்களுக்கும் அவ்வப்பொழுது தாயுமானவர்களுக்கும் 7ஜி ரெயின்போ அட்வைஸ் அப்பாவை நினைப்பவர்களுக்கும் வாழ்த்துக்கள்.

-பாஸ்டன் பாலாஜி

அப்பா கதைகள் | சென்ற வருடப் பதிவு

Categories: Uncategorized
  1. June 18, 2005 at 12:32 pm

    தந்தையர் தின வாழ்த்துக்கள்!!!!

    இங்கே எங்களுக்கு ( நியூஸி, ஆஸி, பிஜி) செப்டம்பர் மாத முதல் ஞாயிறு தான் அப்பாக்களுக்கு!!!!

    என் மகளும் ஒரு தந்தையர் தினத்தில் பிறந்தவள்தான்!

    என்றும் அன்புடன்,
    துளசி.

  2. Anonymous
    June 19, 2005 at 7:32 pm

    Nanri Thulasi 🙂
    -balaji

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: