Archive

Posts Tagged ‘பொன்னம்மாள்’

ஸ்ரீ பரமாச்சார்யாள் பாதையிலே.

August 3, 2009 Leave a comment
Paramachariyar PathaiyeleParamachariyar Pathaiyele

ஸ்ரீ பரமாச்சார்யாள் பாதையிலே

ஆசிரியர்ஆர்.பொன்னம்மாள்.

62 தலைப்புகளில் அற்புதமான விஷயங்கள். அமரசிம்மன் தான் எழுதிய எல்லா புஸ்தகங்ககளையும் நெருப்பிலே எரிக்கின்றான் என்று கேள்விப்பட்டு ஆதிசங்கரர் ஒடிவந்து அவன் கையிலுள்ளதைப்பிடுங்கினார். அது நிகண்டு.

“ஏன் இப்படி செய்தே?” என்று கேட்டார்.

“உங்க கிட்டே நான் வாதப் போரிலே தோத்துப் போய்ட்டேன். இனிமேல் என் நூலை யார் மதிப்பார் அவமதிக்கிறதை விட அழியறது மேலல்லவா?” என்று அவனுக்கு சமாதானம் சொன்னார்.

இரண்டு பேருக்கு மான தர்க்க விபரத்தை 49ம் அத்தியாயம் சொல்கிறது.

அலட்சியம்ப் படுத்தப்பட்ட கங்கேசர் காசிக்குப் போய் படித்து கங்கேச மித்ர ராகத் திரும்பிவந்தவர் “நாஹம் கங்கா” என்று சமிஸ்கிருத ஸ்லோகம் இயற்றி மாமனார் வீட்டவரை ஸ்தம்பிக்க வைத்த வரலாறும் அழகு பட சொல்லப் பட்டிருக்கிறது.

உபநிஷத் கதையான ஜானுஸ்ருதி கர்வப்பட கூடாது என்பதை உணர்த்துகிறது. ஏறு அழிஞ்சில் என் கிற மரத்தின் காய் முற்றினவுடன் கீழே விழுந்து உடைந்து, அதன் விதைகள் ஏதோ ஒரு ஆகர்ஷண சக்தியில் நகர்ந்து நகர்ந்து தாய் மரத்தில் ஒட்டிக் கொண்டு கொஞ்ச நாளில் மூல மரத்தில் மறைந்து விடுவது போன்ற அபூர்வமான உபமானங்களும் ஆங்காங்கே காணப்படுகின்றன.

சாதக வர்மன் என்கிற அரசர் பாகவதம் சொன்ன குருவிடம் “ஏழு நாட்காளில் பரிட்சித்துவுக்கு மோட்சம் கிடைச்சது; எனக்கு ஏன் கிடைக்கலே? நீங்க சுகப்பிரம்மம் மாதிரி சிரத்தையா சொல்லலையா?” என்று குடைந்திருக்கிறார்.

இந்த கேள்விக்கு மறு நாள் குருவின் பேத்தி இரண்டு விதமான பதில்களைச் சொல்லியிருக்கிறாள். அதை 57-வது அத்தியாயத்திலே படிக்கலாம்.

62-வது அத்தியாயத்திலே அசுவினி தேவர்கள் பண்ணின ஏகப்பட்ட சமாசாரம் இருக்கு. அசுவினி தேவர்களை வேண்டிக் கொண்டால் ஒநாய் வாயிலே போன குருவி கூட பிழைத்துக் கொள்ளு மென்று கோஷா காஷுவதி என்கிற பெண் பாடி வைச்சிருக்கா. அசுவினி தேவர்கள் தேவலோக மருத்து வர்கள். கோஷாவுடைய பெருவியாதியை அவர்கள் குணப்படுத்தியிருக்கிறார்கள்.

அங்கோல தைலத்தை மாங் கொட்டையிலே நன்னாத்தடவி நிலத்திலே நட்டா உடனே முளைவிடும், மளமள வென்று வளரும் என்கிறது 51ம் அத்தியாயம்.

எது எப்படியோ! இந்த நுலைப் படிச்சு முடிச்சதும் மனம் பண் படுகிறது. நல்ல எண்ணங்கள் என்ற விதை விழுந்து உடனே முளை விடுகிறது, இந்தப் புத்தகம் தான் அங்கோலத்தைலம். நம் இதயம் தான் சத்தான மாங்கொட்டை. அதில் நன் செயல்கள் என்ற மாங்கனிகள் கொத்துக் கொத்தாய் காய்க்கும்.

தாயின் அருமை – Short Stories for Kids

July 9, 2009 Leave a comment
Thaiyin arumai-ponnammalThaiyin arumai-ponnammal

தாயின் அருமை:

விலை: ரூ-30.00

Ph: no: (044) 24342810

கிடைக்கும் இடம்: திருவரசு புத்தகநிலையம்,

23,தீன தயாளு தெரு,

தியாகராய நகர்,

சென்னை-600017.

குழந்தை நூல்களுக்காக பல பரிசுகள் பெற்றுள்ள திருமதி ஆர்.பொன்னம்மாள் குழந்தைகளுக்காக இந்நுலில் அரிய அறிவுரைகளை கதையோடு கலந்து கொடுத்திருக்கிறார். மொத்தம் 13 கதைகள். முதல் கதையில் சிறுமி வித்யா கிராமத்து மனிதர்களிடமிருந்து உதவும் குணத்தைப் புரிந்து கொள்கிறாள்.

அளவோடு சாப்பிட வேண்டும் என்பதை இரண்டாம் கதையின் நாயகன் நவீன் உணர்கிறான். மூன்றாம் கதையில் சங்கீதா நீதிக்கதையையும், சுமித்ரா அறிவாற்றலுடைய போட்டிக்கதையையும், விமலா பொன்வட்டில் கதையையும், மானஸா நாற்காலி கதையையும், பிரேமா தவளைக் கதையையும், கீதா மொட்டைத்தலைக் கதையையும் கூறி அசத்தியிருக்கின்றனர். பொய் சொன்னாள் தண்டனை தனக்குத்தான் என்பதை “யாருக்கு ஏமாற்றம்” சொல்கிறது. சுரேஷ் நடத்திய நாடகம் “சுதும், வாதும்” வேதனை செய்யும் என்கிறது. உருதுகவிஞர் மிர்ஜா காலிப் நட்பைப் போற்றிய சம்பவம், பூதத்தை விக்டர் வென்ற கதை இரண்டும் கதைக்குள் கதையாக சுவாரஸ்யமாக அமைந்திருக்கிறது.

மனதால் உயரமான பார்வதியின் படிப்பறிவு வெளிப்படும் விதம் நம்மை பிரமிக்க வைக்கிறது. தன்னம்பிக்கையை வளர்க்கும் விதமாக அமைந்துள்ளது. “என்னால் முடியுமா!” புத்தகத்தலைப்பைக் கொண்ட ஒன்பதாவது கதை வருணையும், வர்ஷாவையும் திருத்துகிறது.

உபகாரம் அவதூறையும், அனாவசியச் செலவையும் தந்ததை அடுத்த கதையில் படித்து மனம் உருகுகின்றது.

குழந்தைகளிடம் எதைச் சொல்ல வேண்டும் என்று பெரியவர்களுக்கும், கூட்டுக் குடும்பத்திலுள்ள குழந்தைகள் எப்படி நடந்து கொள்ளவேண்டும் மென்றும் “திரியாவரக்காரி” விளக்குகிறது.

“யார் அசடு” உம்மண மூஞ்சியையும் வாய் விட்டு நகைக்க வைக்கும். எளிமையாக மாறு வேடமிட்டாலும் திறமையாகப் பேசி முதல் பரிசைத்தட்டிச் சென்ற ஹரீஷ் கதை சிலிர்க்க வைகிறது. மொத்தத்தில் சிறுவர் சிறுமியரை பண்பாளராக மாற்றும் முயற்சி இந்நூல்.

ஸ்ரீ மந் நாராயணீயம்

July 3, 2009 Leave a comment
Narayaneeyam.Narayaneeyam.

உரை ஆசிரியர்: ஆர் பொன்னம்மாள்.

கிடைகுமிடம்: திருவரசு புத்தக நிலையம்

23, தீன தயாளு தெரு,

தியாக ராய நகர், சென்னை 6000017.

ஸ்ரீ நாராயாணபட்டத்ரி என்ற கிருஷ்ணபக்தர் பாடிய நூல் இக்காவியம். குரு அச்சுதப்பிஷாரோடியின் வாதநோயைத் தனக்கு வரும்படி பிரார்த்தித்து, ஏற்று தன் வியாதி குணமடையப் பாடிய காவியம் இது. ஒவ்வொரு பாடலையும் குருவாயூரப்பன் சன்னதியிலிருந்து பாடி, குருவாயூரப்பன் ”ஆம்” என்று ஒப்புக் கொண்ட பிற்கே அடுத்த கவிதைக்கு செல்வார். அவரது வரலாறும் இந்நூலில் சேர்க்கப் பட்டுள்ளது.

மொத்தம் 1034 ஸ்லோகங்களுக்கும் நீண்ட காலமாக ஆன்மீகப் பணி புரியும் ஆர் பொன்னம்மாள் அற்புதமாக விளக்கம் தந்திருக்கிறார். முகப்பு அட்டையும் பிரமாதமாக உள்ளது. இந்நூலின் ஸ்லோகங்கள் வாயில் நுழையாதவர் அர்த்தங்களைப் படிதாலும் அதே பலன் என்று குறிப்பிடப்பட்டிருக்கிறது.

ஐஸ்வர்யம், கொடிய ரோகமும் நிவர்த்தியடைதல்,   சிறையிலிருந்து விடுதலை, சொத்து வாங்குதல், வழக்குத் தீருதல், பகையிலிருந்து மீளுதல், விபத்துக்கள், தீ இவற்றிலிருந்து தப்புதல், கிரக பீடை நீங்குதல், உத்யோக உயர்வு, கீர்த்தி, சந்தான பாக்கியம்,ஆயுள் விருத்தி, பயிர் செழிக்க, படிப்பில் சாதனை படைக்க,தொழிலில் லாபம்காண, ஏவல், பில்லி, சுனியம் அகல, பாக்கிகள் வசூலாக, பயம் தொலைய இப்படி எத்தனையோ பலன்களை தினமும் முடிந்த அளவு பாராயணம் செய்வதால் அடையலாம்.

காலசர்ப்ப தோஷமும் ஒன்றும் செய்யாது என்கிறது பலஸ்ருதி. அக்னி,வெள்ள அபாயங்கள் தொடாது.

பாகவதம் சுருக்கமாக, ஆனால் சுவாரஸ்யம்மாக சொல்லப்பட்டிருக்கிறது. ராஸக்ரீடை, கண்ணன் திருமணத்தைப் படிததால் ஆண்-பெண் இருபாலருக்கும் விவாகம் கூடிவரும்.

எந்தெந்த தசகம் என்னென்ன பலன் என்றும் விபரமாகக் கொடுக்கப்பட்டிருக்கிறது. தேன் இனிகும் என்பதை ருசித்தவரே உணரமுடியும்.

இந்நூல் ஒரு பொக்கிஷம். ருசியில் தேன். நோயில் அல்லாடு பவர்களுக்கு ஒளடதம்.

நாலாயிர திவ்யப்பிரபந்தம்

July 3, 2009 Leave a comment
Nalayira Divya prabandhamNalayira Divya prabandham

நாலாயிர திவ்யப்பிரபந்தம்:

1ம் பாகம்: முதலாயிரம்.

விலை: Rs 150.00.

உரை ஆசிரியர்: ஆர்.பொன்னம்மாள்.

கிடைக்கும் இடம்: கங்கை புத்தக நிலையம்

23, தீன தயாளு தெரு,

தீயாக ராய நகர்,

சென்னை 6000017.

மணியம் செல்வனின் முகப்பு அட்டைப்படத்தில் ஸ்ரீ மந் நாராயாணர் கொஞ்ச்சும் அழகுடன் ஆசியளிக்கிறார். ஆன்மீக எழுத்தாளர், ஜோதிடர் திருமதி ஆர்.பொன்னம்மாள் தெளிவாக உரை எழுதியிருகிறார். பெரியாழ்வாரின் திருபல்லாண்டு, ஆண்டாளின் திருப்பாவை, நாச்சியார் திருமொழி, குலசேகராழ்வாரின் பெருமாள் திருமொழி, திருமழிசை ஆழ்வாரின் திருச்சந்த விருத்தம், தொண்டரடிப் பொடியாழ்வாரின் திருமாலை, திருபள்ளியெழுச்சி, திருபாணாழ்வார் அமலனாதிபிரான் மதுரகவியாழ்வாரின் கண்ணி நுண் சிறுத்தாம்பு ஆகிய வற்றைத் தன்னுள் அடக்கி கொண்ட புதையலான நூல் இது.

ஒரு பானை சோற்றுக்கு ஒரு சோற்றுப்பருக்கை பதம் பார்ப்பது போல் ஒரு செய்யுள் பதம் பார்ப்போம். எதை விடுவது, எதை எடுப்பது என்ற குழப்பத்தில் கண்ணை மூடிக் கொண்டு எடுத்தது இது! ஸ்ரீ இராம் பிரான் புகழையும், கண்ண பரமாத்மா லீலையையும் இரு மங்கையர் பாடியபடி பந்தெறிதல் கவிதைகள் மகா அற்புதம்! அர்த்தம் தெரிந்தால் தானே ரசிக்கமுடியும்!

”எண் வில் வலிகண்டு போவென் றெதிர்வந்தான் தாசரதிதன்மையைப் பாடிப்பற!” என்ற பெரியாழ்வாரின்   திருமொழியில் “சீதாமணாளனை” பரசுராமர் வழிமறித்தார். அவனது வில்லோடு  தவத்தையும்  வாங்கி என்று கோதண்டத்தின் மகிமை சொல்லி பந்து வீசுகிறாள் நங்கை. தேவகி சிங்கத்தின் பெருமையை எதிர்பாட்டக்கி பந்தைத் திருப்பி வீசுகிறாள் தோழி.

108 திவ்ய தேசங்களின் அட்டவணையும், பெறுமாள், தாயார் திருநாமமும் அட்டவணையில் காணலாம்.

கண்ணனின் லீலைகளைப் பாராயணம் செய்தால் சந்தான பாக்கியம் கிட்டும். (பெரியாழ்வார் திருமொழி) கண்ணன் தாலாட்டும் பெருமாள் திருமொழியில் இராமர் தாலாட்டும்

பாடுவதும் மகப்பேற்றை அளிக்கும். தாய்ப்பாலுண்ண யசோதை அழைத்தல், காதுகுத்துதல், நீராட அழைத்தல், கொண்டை போட காக்கையை அழைத்தல், உப்பு மூட்டை தூக்கல், திருஷ்டி கழித்தல், இப்படி கண்ணன் லீலைகளோடு நாச்சியார் திருமொழியில் மன்மதனை வழிபடலைப் பாராயணம் செய்தால் திருமணம் கூடி வரும்.

கஜேந்திர மோட்சம் படிப்பது கஷ்டங்களிலிருந்து விடுவிக்கும். சத்ருபீடையைப் போக்கக் கூடியது நரசிம்மாவதாரம். எமபயம் நீங்க நான்காம் பத்தில் பத்தாம் திருமொழியைப் படிக்க வேண்டும். வராக அவதாரம் இழந்த பொருளை மீட்டுத்தரும்.

எல்லாப் பாடல்களிலும், தசாவதாரங்களும் விரவிக் கிடக்கின்றன. மொத்தத்தில் இரவல் கொடுத்தால் திரும்பக் கிடைக்காத பொக்கிஷ நூலிது.